24 طريقة من طرق الترويج
صديقي تاجر الملابس
كلنا بنحتاج من فترة للتانية ان احنا نعمل عروض للعملاء بتوعنا و مش شرط علشان اعمل عرض ان البضاعة بتاعتي تكون مش بتتباع او انا مش عارف ابيعها بالعكس ممكن تكون شغالة كويس و انا حابب اني ابيع اكتر او اكافئ العملا بتوعي او بفتح اسواق جديدة، يعني الفكرة ان الطرق دي ممكن تنفع لكذا حاجة من ضمنها سبب ان السوق يكون محتاج تنشيط بس لازم تعرف ان مهما يكون عندك من بضاعة ففي عملا اكتر من البضاعة اللي عندك بس محتاج لطرق جديدة توصلهم او محتاج تشجعهم انهم يشتروا من بضاعتك،
و انا شخصيا دورت كتير علي كتاب او دورة او مرجع تكون فيها طرق تقديم العروض الترويجية بس بصراحة ملقتش حاجة مجمعاهم فبدأت اجمعهم انا علشان يبقوا ادامي في اي وقت احتاج اعمل عرض في المكتب عندي و بالفعل استفدت منها كتير و قولت اعرضها عليكوا ممكن تكون مفيدة برضه بالنسبالكوا،
و هعرض لكم الطرق مختصرة هنا لاني كنت كاتبها لنفسي فكنت كاتبها بطريقة افهمها انا، بس لما حبيت اشاركم بيها فعدلت فيها علشان تبقي واضحة بس لو في اي حاجة مش مفهومة اسئلوني و هجاوبكوا ان شاء الله
ملحوظة اخيرة : ممكن تحس و انت بتقرأ ان في طرق شبه بعض بس هو فيه اختلافات بينهم لو مش واضحة اسئلني و هشرحها اكتر، و ممكن تحس ان الطريقة مش مناسبة ليك و ده لان الفكرة الاساسية انها كانت موجهة للبيع بالجملة مش للقطاعي بس اغلبهم ممكن ينفع للقطاعي برضه و نبدأ علي بركة الله في عرض الطرق الترويجية 😄
و قبل ما تبدأ قراءة خليك عارف ان الطرق مش لازم تلاقيها كلها مناسبة ليك بس ممكن واحدة منهم او اكتر تكون مناسبة ليك و تجيب معاك نتيجة كويسة جدا فركز في كل نقطة و شوفها لو مناسبة معاك.
صديقي تاجر الملابس
كلنا بنحتاج من فترة للتانية ان احنا نعمل عروض للعملاء بتوعنا و مش شرط علشان اعمل عرض ان البضاعة بتاعتي تكون مش بتتباع او انا مش عارف ابيعها بالعكس ممكن تكون شغالة كويس و انا حابب اني ابيع اكتر او اكافئ العملا بتوعي او بفتح اسواق جديدة، يعني الفكرة ان الطرق دي ممكن تنفع لكذا حاجة من ضمنها سبب ان السوق يكون محتاج تنشيط بس لازم تعرف ان مهما يكون عندك من بضاعة ففي عملا اكتر من البضاعة اللي عندك بس محتاج لطرق جديدة توصلهم او محتاج تشجعهم انهم يشتروا من بضاعتك،
و انا شخصيا دورت كتير علي كتاب او دورة او مرجع تكون فيها طرق تقديم العروض الترويجية بس بصراحة ملقتش حاجة مجمعاهم فبدأت اجمعهم انا علشان يبقوا ادامي في اي وقت احتاج اعمل عرض في المكتب عندي و بالفعل استفدت منها كتير و قولت اعرضها عليكوا ممكن تكون مفيدة برضه بالنسبالكوا،
و هعرض لكم الطرق مختصرة هنا لاني كنت كاتبها لنفسي فكنت كاتبها بطريقة افهمها انا، بس لما حبيت اشاركم بيها فعدلت فيها علشان تبقي واضحة بس لو في اي حاجة مش مفهومة اسئلوني و هجاوبكوا ان شاء الله
ملحوظة اخيرة : ممكن تحس و انت بتقرأ ان في طرق شبه بعض بس هو فيه اختلافات بينهم لو مش واضحة اسئلني و هشرحها اكتر، و ممكن تحس ان الطريقة مش مناسبة ليك و ده لان الفكرة الاساسية انها كانت موجهة للبيع بالجملة مش للقطاعي بس اغلبهم ممكن ينفع للقطاعي برضه و نبدأ علي بركة الله في عرض الطرق الترويجية 😄
و قبل ما تبدأ قراءة خليك عارف ان الطرق مش لازم تلاقيها كلها مناسبة ليك بس ممكن واحدة منهم او اكتر تكون مناسبة ليك و تجيب معاك نتيجة كويسة جدا فركز في كل نقطة و شوفها لو مناسبة معاك.
1- تنزيل السعر مباشرة يعنى مثلا من 35 الى 30 مباشرة. و دي تقريبا الناس كلها بتستعملها
2- ربط السعر بشراء عدد معين يعنى إشترى 12 وهيبقى السعر 30 بدلا من 35 .
3- أخذ هدية من نفس نوع الموديل إشترى 10 وخد 2 هدية من نفس الموديل .
4- أخذ هدية من نوع مختلف عن نوع الموديل إشترى 10 وخد 2 من موديل كذا . مثال اشتري 10 تيشيرتات من موديل ص و خد 2 بنطلون هدية من موديل س
5- عمل شرايح على موديل معين (يعني مثلا اشتري 5 قطع بسعر 10 جنيه و 8 قطع بسعر 9 جنيه و 10 قطع بسعر 6 جنيه ) .
6- تقديم خدمة تكون بتكلف العميل و انت توفرهاله ببلاش زي توصيل مجاني للمنتج او تحصيل الفلوس مجانا مثلا
7- إشترى الموديل س بمبلغ (كذا ) وإدفع (كذا ) لنفس الموديل ب 1000 ج وإدفع 800 ج . هنا الشرط ان العميل يشتري بمبلغ معين موديل معين و يدفع اقل. و هنا الترويج بيبقى مركز علي موديل بعينه
8 – إشترى بمبلغ ( ) وإدفع ( ) لمجموعه موديلات ب 1000 وإدفع 800. هنا الشرط ان العميل يشتري بمبلغ معين مجموعة موديلات و يدفع اقل و هنا الترويج بيشمل مجموعة موديلات
9- عمل هدية على كل قطعه (مج مثلا) .
يعني لو اخد 12 قطعة هياخد 12 مج
يعني لو اخد 12 قطعة هياخد 12 مج
10- عمل هدية على الدسته مثلا .
يعني لو اخد دستة كجملة مثلا 12 قطعة هياخد دفاية هدية
يعني لو اخد دستة كجملة مثلا 12 قطعة هياخد دفاية هدية
11- عمل هدية عينية على قيمة مبلغ معين .
يعني اشتري بمبلغ 1000 جنيه اى كان المنتجات و هتاخد موبيل هدية( فيه موبيلات ب 150 جنيه حاليا )
يعني اشتري بمبلغ 1000 جنيه اى كان المنتجات و هتاخد موبيل هدية( فيه موبيلات ب 150 جنيه حاليا )
12 – عمل كوبون خصم للمرة القادمة أو لمده تاريخ معين.
13- عمل الموديلات الراكده هدايا على الموديلات اللى شغالة .
14- عمل خصم أو هدية للعميل الشبه دائم فى الشراء من المكتب او من الجروب او من الصفحة
15 – عمل خصم أو هدية عينية للعميل الجديد على أول فاتورة له .
16 – تركيب موديلين على بعض وبيعهم كموديل واحد . يعني لو عندي بنطلون لوحده و سويت لوحده ممكن اركبهم علي بعض و ابيعهم ترننج او طقم.
و طبعا برضه ممكن العكس ان يبقى عندي طقم او ترننج و ابيع التوب لوحده و البنطلون لوحده
و طبعا برضه ممكن العكس ان يبقى عندي طقم او ترننج و ابيع التوب لوحده و البنطلون لوحده
17- عمل جروب خاص و بيعها بيعات على بعض
18ـ بيع كل موديل لوحده بالكيلو( علي فكرة القطعة في الكيلو بتقف اغلي من لو اتباعت عادي مع ان اغلب الناس فاكرين ان الشراء بالكيلو اوفر 😉( معلومة وزن البنطلون الجينز الرجالي اكتر من 650 جرام يعني لو الكيلو ب 200 جنيه البنطلون الواحد هيقف ب 130 جنيه
19ـ بيع مجموعة موديلات منها بالكيلو على بعضهم يعني اجمع موديلات علي بعض و ابيعها بالكيلو زي النقطة اللي فاتت بس هنا هجمع كذا حاجة مش حاجة واحدة
20 ـ عمل متوسط سعر ليهم و توزيعهم على اكياس و بيعهم كوكتيلات( اجمع كل حاجة عندي عايزة ابيعها و اعملها كوكتيلات و ابيعها كوكتيل و اعملها متوسط سعر، فيه ناس كتير بتحب الكوكتيل
21 ـ عرضهم بسعر مخفض للعمل الخيري( كان فيه واحد صاحبي فاتح محل ملابس و كان عايز يصفي و كان عنده بضاعة تقريبا ب 10000 جنيه و لما حب يبيعها اكتر حاجة جاتله فيها 4000 جنيه كتصفية، فراح الشغل عنده لانن كان شغال في شركة و قال لزمايله انه هيطلع ملابس ب 10000 للخير و لو حد حابب يشاركه فيه يقوله، تقريبا جمع حوالي 7000 جنيه و طلع كل البضاعة و هو دفع ال 3000 جنيه و طبعا لو كان حاول يبيعهم في السوق مكانوش هيحيبوا ال 7000
22 ـ تغيير وحدة القياس او العدد او الوزن( بمعني زي ما قولنا ان ممكن الحاجات اللي كنت ببيعها بالعدد ابيعها بالوزن
23ـ عمل نسبة خصم تصاعدية على مجموعة موديلات , مثال اول موديل خصم 1% , ثاني موديل 2% , ثالث موديل 4% و هكذا حتى عاشر موديل 20% و كدة انت بتشجع العميل انه يشتري اكتر من موديل
24- تقديم حتة او جزء زيادة للمنتج تكون مش عند المنافسين زى اني ممكن اشتري لعبة اطفال و احطها هدية علي ترننج اطفال( في لعب اطفال بتبدأ من اتنين جنيه فلو اتحطت علي ترننج مثلا في مكسب او ربح 10 او 15 جنيه اكيد مش هتأثر علي المكسب اوي و في نفس الوقت هتبقى ميزة عن المنافسين اللي بيبيعه نفس الموديل، و مثال تاني ممكن اشتري فوت وير و احطه علي بيجامة تمنها 150 جنيه و برضه سعره ممكن يبقى جزء بسيط من المكسب
و أخيرا انا كنت عايز اشرح اكتر من كدة في كل نقطة و اضرب امثلة بس للاسف انا مسافر و بستعمل الموبيل فان شاء الله لو ليكوا استفسارات او تعليقات ممكن نناقشها في التعليقات
شكرا لكم
شكرا لكم
